舞女
https://www.youtube.com/watch?v=HmRNkyeXFdM
《舞女》Bú-lú
陳小雲Tân Sió-hûn
—————————————-
打扮著妖嬌的模樣
tánn-pān tio̍h iau-kiau ê bôo-iūnn
陪人客搖來搖去
puê lâng-kheh iô-lâi-iô-khì
紅紅的霓虹燈
âng-âng ê nî-hông-ting
閃閃爍爍
siám-siám-sih-sih
引我心傷悲
ín guá sim siong-pi
啊～啥人會當瞭解
ah~ siánn-lâng ē-tàng liáu-kái
做舞女的悲哀
tsuè bú-lú ê pi-ai
暗暗流著目屎
àm-àm lâu-tio̍h ba̍k-sái
也是激甲笑咍咍
iā-sī kik kah tshiò-hai-hai
啊～來來來來跳舞
ah~ lâi lâi lâi lâi thiàu-bú
跤步若是振動
kha-pōo nā-sī tín-tāng
毋管伊是啥人
m̄-kuán i sī siánn-lâng
共伊當做眠夢
kā i tòng-tsuè bîn-bāng
我拖著沉重跤步
guá thua tio̍h tîm-tāng kha-pōo
伴音樂踅來踅去
phuānn im-ga̍k se̍h-lâi-se̍h-khì
人客也對阮講甲
lâng-kheh iā tuì gún kóng kah
亂亂紛紛
luān-luān-hun-hun
引我心憂悶
ín guá sim iu-būn
啊～甘願無人知影
ah~ kam-guān bô-lâng tsai-iánn
做舞女的悲哀
tsuè bú-lú ê pi-ai
暗暗流著目屎
àm-àm lau tioh bak-sai
也是激甲笑咍咍
ia si kik kah tshioh-hai-hai
啊～來來來來跳舞
ah~ lâi lâi lâi lâi thiàu-bú
跤步若是振動
kha-pōo nā-sī tín-tāng
毋管伊是啥人
m̄-kuán i sī siánn-lâng
共伊當做眠夢
kā i tòng-tsuè bîn-bāng
