女人之歌
《女人之歌》Lú-jîn tsi Kua
陳小雲Tân Sió-hûn
——————————————
在這个花花的世界
tsāi tsit ê hua-hua ê sè-kài
摩登女性百百款
môo-ting lú-sìng pah-pah-khuán
有時陣像男性一般
ū-sî-tsūn tshiūnn lâm-sìng it-puan
曷無來計較粗重
a̍h bô lâi kè-kàu tshoo-tāng
啊~人生啊
ah~ jîn-sing–ah
佗一个毋是抱著
tó tsi̍t-ê m̄-sī phāu tio̍h
滿腹的希望
muá-pak ê hi-bāng
差別的只是
tsha-pia̍t ê tsí-sī
心內是歡喜抑悲觀
sim-lāi sī huann-hí ia̍h pi-kuan
女人的先天的條件
lú-jîn ê sian-thian ê tiâu-kiānn
毋管普通抑真讚
m̄-kuán phóo-thong ia̍h tsin tsán
想想咧梳妝打扮
siūnn-siūnn–leh se-tsng tánn-pān
也是快樂的事項
iā-sī khuài-lo̍k ê sū-hāng
啊~人生啊
ah~ jîn-sing–ah
佗一个毋知
tó tsi̍t-ê m̄-tsai
好花也無百日紅
hó hue iā bô pah-ji̍t âng
是看你家己腦海
sī khuànn lí ka-kī náu-hái
是清醒抑迷茫
sī tshing-tshínn ia̍h bê-bâng
啊免怨嘆
ah bián uàn-thàn
啊免怨嘆
ah bián uàn-thàn
簡簡單單
kán-kán-tan-tan
輕輕鬆鬆
khin-khin-sang-sang
面對任何困難
bīn-tuì jīm-hô khùn-lân
啊~啊~
ah~ ah~
