愛人仔綴人走
https://www.youtube.com/watch?v=gpmCxtCov0U
《愛人仔綴人走》Ài-jîn-á Tuè-lâng-tsáu
陳小雲Tân Sió-hûn
——————————–
離開已經三年後
lī-khui í-king sann nî āu
你煞有去無回頭
lí suah ū khì bô huê-thâu
真是予人想袂到
tsin sī hōo lâng siūnn buē kàu
心肝親像蓬心的菜頭
sim-kuann tshin-tshiūnn pōng-sim ê tshài-thâu
想袂到想袂到
siūnn buē kàu, siūnn buē kàu
你會去綴人走
lí ē khì tuè-lâng-tsáu
無彩我無彩我
bô-tshái guá, bô-tshái guá
感情用遮厚
kám-tsîng iōng tsiah kāu
外表飄撇無啥效
guā-piáu phiau-phiat bô siánn hāu
誤人青春上可惱
gōo lâng tshing-tshun siōng khó-náu
啊~無情的人
ah~ bô-tsîng ê lâng
恨你是恨到老
hūn lí sī hūn kàu lāu
永遠來佮你
íng-uán lâi kah lí
田無溝水無流
tshân bô kau tsuí bô lâu
