好朋友
《好朋友》Hó-pîng-iú
陳百潭Tân Pik-thâm
林俊吉Lîm Tsùn-kiat
葉諾帆Ia̍p Lo̍k-huân
——————————————
想欲出脫拚成就
siūnn-beh tshut-thuat piànn sîng-tsiū
立誓盡展好功夫
li̍p-sè tsīn tián hó kang-hu
光影攏無閃爍過目睭
kng-iánn lóng bô siám-sih kuè ba̍k-tsiu
暗淡的心內貼憂愁
àm-tām ê sim-lāi tah iu-tshiû
人講厝內靠爸母
lâng kóng tshù-lāi khò pē-bú
出外著愛靠朋友
tshut-guā tio̍h-ài khò pîng-iú
誠心誠意佮人來交流
sîng-sim sîng-ì kah lâng lâi kau-liû
情誼才保持會久
tsîng-gî tsiah pó-tshî ē kú
好朋友有你的手
hó-pîng-iú ū lí ê tshiú
若危險隨時將我來搝
nā guî-hiám suî-sî tsiong guá lâi giú
拍拚的路上
phah-piànn ê lōo-siōng
也不時罩雺霧
iā put-sî tà bông-bū
任何困難著愛忍受
jīm-hô khùn-lân tio̍h-ài jím-siū
好朋友無怨嘆的理由
hó-pîng-iú bô uàn-thàn ê lí-iû
同齊閣繼續加油
tâng-tsê koh kè-sio̍k ka-iû
