做夢也是甜
《做夢也是甜》Tsò-bāng Iā-si̍ Tinn
陳有娜Tân Iú-ná
——————————————
春風微微吹來
tshun-hong bî-bî tshue–lâi
我恬恬看著你
guá tiām-tiām khuànn-tio̍h lí
你的眼神甜蜜
lí ê gán-sîn tinn-bi̍t
好親像花芳甜
hó-tshin-tshiūnn hue phang-tinn
講啥物真情假意
kóng siánn-mih tsin-tsîng ké-ì
像電影的空虛
tshiūnn tiān-iánn ê khang-hi
名車玫瑰璇石
miâ-tshia muî-kuì suān-tsio̍h
閣有一句我愛你
koh ū tsi̍t-kù guá ài lí
樹葉輕輕飛去
tshiū-hio̍h khin-khin pue khì
你慢慢講情意
lí bān-bān kóng tsîng-ì
你的花言巧語
lí ê hua-giân khá-gí
就親像寫歌詩
tiō tshin-tshiūnn siá kua-si
講啥物海角天邊
kóng siánn-mih hái-kak thinn-pinn
行平凡的日子
kiânn pîng-huân ê ji̍t-tsí
娶某買厝趁錢
tshuā-bóo bé-tshù thàn-tsînn
未來只有我佮你
bī-lâi tsí-ū guá kah lí
雖然我佮你
sui-jiân guá kah lí
才熟似無幾日
tsiah si̍k-sāi bô kuí ji̍t
雖然咱的心
sui-jiân lán ê sim
無仝款的春天
bô kāng-khuán ê tshun-thinn
只要你付出全部的真情意
tsí-iàu lí hù-tshut tsuân-pōo ê tsin tsîng-ì
花言巧語嘛是真
hua-giân khá-gí mā sī tsin
雖然我的心
sui-jiân guá ê sim
對愛情失了心
tuì ài-tsîng sit liáu sim
雖然咱的心
sui-jiân lán ê sim
無約束囥一邊
bô iok-sok khǹg tsi̍t-pinn
只要你講出
tsí-iàu lí kóng tshut
你愛我每一日
lí ài guá muí tsi̍t-ji̍t
我的做夢也是甜
guá ê tsuè-bāng iā-sī tinn
