故鄉的情伴
《故鄉的情伴》Kòo-hiong ê Tsîng-phuānn
陳一郎Tân It-lông
——————————————
月娘有天星咧做伴
gue̍h-niû ū thinn-tshinn teh tsuè-phuānn
踮在他鄉真正孤單
tiàm-tsāi thann-hiong tsin-tsiànn koo-tuann
看著伊孤鳥哭無伴
khuànn-tio̍h i koo-tsiáu khàu bô-phuānn
引阮思鄉疼心肝
ín gún su-hiong thiànn sim-kuann
熱情珠淚目箍掛
jia̍t-tsîng tsu-luī ba̍k-khoo kuà
隨著流星
suî tio̍h liû-tshinn
流對彼爿山
lâu tuì hit-pîng suann
孤鳥無伴
koo-tsiáu bô-phuānn
天星咧看我
thinn-tshinn teh khuànn guá
若親像咧叫我
ná-tshin-tshiūnn teh kiò guá
故鄉的情伴
kòo-hiong ê tsîng-phuānn
叫我轉去共伊看
kiò guá tńg-khì kā-i khuànn
