不變的等待
《不變的等待》Put-piàn ê Tán-thāi
郭婷筠Kueh Tîng-ûn
——————————————
等待春天的所在
tán-thāi tshun-thinn ê sóo-tsāi
有我深深的所愛
ū guá tshim-tshim ê sóo ài
雖然兩人分開真遙遠
sui-jiân nn̄g-lâng hun-khui tsin iâu-uán
愛你的心攏仝款
ài lí ê sim lóng kāng-khuán
毋捌對你來懷疑
m̄-bat tuì lí lâi huâi-gî
毋驚你三心兩意
m̄-kiann lí sam-sim-lióng-ì
深知你愛阮的心真堅持
tshim-tsai lí ài gún ê sim tsin kian-tshî
就算路途迢迢千萬里
tiō sǹg lōo-tôo tiâu-tiâu tshian-bān-lí
踮這个紛紛亂亂
tiàm tsit-ê hun-hun luān-luān
變化無常的世界
piàn-huà bû-siông ê sè-kài
你是我不變的期待
lí sī guá put-piàn ê kî-thāi
目屎吞腹內
ba̍k-sái thun pak-lāi
寂寞也忍耐
tsi̍k-bo̍k iā jím-nāi
總有一日
tsóng ū-tsi̍t-ji̍t
花開春天來
hue khui tshun-thinn lâi
踮這个紛紛亂亂
tiàm tsit ê hun-hun luān-luān
變化無常的世界
piàn-huà bû-siông ê sè-kài
你是我唯一的愛
lí sī guá uî-it ê ài
相思雖然難解
siunn-si sui-jiân lân kái
相信著未來
siong-sìn tio̍h bī-lâi
我會快樂等你倒轉來
guá ē khuài-lo̍k tán lí tò-tńg–lâi
—
深知你愛阮的心真堅持
tshim-tsai lí ài gún ê sim tsin kian-tshî
我會快樂等你倒轉來
guá ē khuài-lo̍k tán lí tò-tńg–lâi
