原來的幸福
《原來的幸福》Guân-lâi ê Hīng-hok
郭婷筠 Kueh Tîng-ûn
——————————————
夢見你淺淺的笑容
bāng-kìnn lí tshián-tshián ê tshiò-iông
你是溫暖阮心內的彼陣風
lí sī un-luán gún sim-lāi ê hit-tsūn hong
你的心陪阮流浪
lí ê sim puê gún liû-lōng
是阮唯一的幸福
sī gún uî-it ê hīng-hok
夢醒心思念
bāng tshínn sim su-liām
寂寞
tsi̍k-bo̍k
感情路袂閣再踏錯
kám-tsîng lōo buē koh-tsài ta̍h tshò
真心跤步
tsin-sim kha-pōo
阮毋驚千辛萬苦
gún m̄-kiann tshian-sin-bān-khóo
你是阮心的路途
lí sī gún sim ê lōo-tôo
指引阮向前力量
tsí-ín gún hiòng-tsiân li̍k-liōng
揣兩人美麗的結局
tshuē nn̄g-lâng bí-lē ê kiat-kio̍k
看見原來的幸福
khuànn-kìnn guân-lâi ê hīng-hok
有你予阮心倚靠
ū lí hōo gún sim uá-khò
互相陪伴的情路
hōo-siong puê-phuānn ê tsîng-lōo
阮袂孤單心滿足
gún buē koo-tuann sim buán-tsiok
想起愛你的當初
siūnn-khí ài lí ê tong-tshoo
感謝你用心照顧
kám-siā lí iōng-sim tsiàu-kòo
一心等待的歸宿
it-sim tán-thāi ê kui-siok
阮心內
gún sim-lāi
你是永遠的將來
lí sī íng-uán ê tsiong-lâi
