快樂總鋪師
《快樂總鋪師》Khuài-lo̍k Tsóng-phòo-sai
郭桂彬Kueh Kuì-pin
——————————————
啊~我是松山阿丁師
ah~ guá sī Siông-san A-ting-sai
辦桌無凊彩
pān-toh bô tshìn-tshái
唱歌點琴辦桌
tshiùnn-kua tiám-khîm pān-toh
煮食實在真厲害
tsú-tsia̍h si̍t-tsāi tsin lī-hāi
啊~做人親像咧煮食
ah~ tsuè-lâng tshin-tshiūnn leh tsú-tsia̍h
攏愛照步行
lóng ài tsiàu-pōo-kiânn
食予肥肥
tsia̍h hōo puî-puî
激予槌槌
kik hōo thuî-thuî
快樂總鋪師
khuài-lo̍k tsóng-phoo-sai
我攑著一枝鱟?仔
guá gia̍h tio̍h tsi̍t-ki hāu-khat-á
流浪走天涯
liû-lōng tsáu thian-gâi
希望會當拄著對手
hi-bāng ē-tàng tú-tio̍h tuì-tshiú
比我閣較利
pí guá koh-khah lāi
我洗碗切菜磨菜刀
guá sé-uánn tshiat-tshài buâ tshài-to
逐項做甲著
ta̍k-hāng tsuè kah tio̍h
酸甜苦澀對阮來講
sng-tinn khóo-siap tuì gún lâi kóng
非常的注重
hui-siông ê tsù-tiōng
啊~欲請人客
ah~ beh tshiánn-lâng-kheh
攏嘛是山珍佮海味
lóng mā sī san-tin kah hái-bī
你敢知影啥物
lí kám tsai-iánn siánn-mih
才是天下第一味
tsiah-sī thian-hā tē-it bī
你免聽別人佇咧講
lí bián thiann pa̍t-lâng tī-leh kóng
逐家攏出喙
ta̍k-ke lóng tshut-tshuì
故鄉的味
kòo-hiong ê bī
媽媽的菜
má-mah ê tshài
啥人佮伊比
siánn-lâng kah i pí
