愛的歌聲
《愛的歌聲》Ài ê Kua-siann
郭金發Kueh Kim-huat
白櫻Pe̍h Ing
——————————————
優美的歌聲
iu-bí ê kua-siann
優美的歌聲
iu-bí ê kua-siann
心愛的優美歌聲
sim-ài ê iu-bí kua-siann
動阮無聊的心內
tōng gún bô-liâu ê sim-lāi
做男兒傷心珠淚
tsuè lâm-jî siong-sim tsu-luī
毋願隨便流出來
m̄-guān suî-piān lâu–tshut-lâi
只因為冰冷夜風
tsí in-uī ping-líng iā-hong
加添滿腹的悲哀
ka-thiam muá-pak ê pi-ai
懷抱著純情
huâi-phāu tio̍h sûn-tsîng
懷抱著純情
huâi-phāu tio̍h sûn-tsîng
為郎君懷抱純情
uī lông-kun huâi-phāu sûn-tsîng
毋願青春心稀微
m̄-guān tshing-tshun sim hi-bî
毋好叫心愛囝兒
m̄-hó kiò sim-ài kiánn-jî
媽媽暫時的分離
má-mah tsiām-sî ê hun-lî
怎思念故鄉黃昏
tsuánn su-liām kòo-hiong hông-hun
流出珠淚澹床墘
lâu tshut tsu-luī tâm tshn̂g-kînn
懷念彼當時
huâi-liām hit-tong-sî
懷念彼當時
huâi-liām hit-tong-sî
暝連日懷念當時
mî liân ji̍t huâi-liām tong-sî
雙人快樂的情景
siang-lâng khuài-lo̍k ê tsîng-kíng
免悲傷心愛的人
bián pi-siong sim-ài ê lâng
毋願辜負你純情
m̄-guān koo-hū lí sûn-tsîng
我一定叫回春夢
guá it-tīng kiò huê tshun-bāng
完成雙人好前程
uân-sîng siang-lâng hó tsiân-tîng
愛情的山河
ài-tsîng ê san-hô
愛情的山河
ài-tsîng ê san-hô
崎嶇的愛情山河
khi-khu ê ài-tsîng san-hô
今仔日雙人來盤過
kin-á-ji̍t siang-lâng lâi puânn–kè
咱又來一生難忘
lán iū lâi it-sing lân-bōng
桂花樹跤再相會
kuì-hue tshiū-kha tsài siong-huē
美滿的你我身邊
bí-buán ê lí guá sin-pinn
甘蜜春風微微吹
kam-bi̍t tshun-hong bî-bî tshe
