警世歌
https://www.youtube.com/watch?v=6JF1jDCyKl4&fbclid=IwAR1CB94iJHefhp31sqDkDDCVVsCKzhL97sY_UP_vHSEIuHimrizhxNAdCIE
《警世歌》Kíng-sè-kua
郭大誠Kueh Tāi-sîng
——————————————
風雨聲音真啊稀微
hong-hōo siann-im tsin–ah hi-bî
烏雲入來監獄邊
oo-hûn ji̍p-lâi kann-ga̍k pinn
夜鶯滾滾啊訴啊哀啼
iā-ing kún-kún–ah sòo–ah ai-thî
宛然吟出斷腸詩
uán-jiân gîm tshut tuān-tn̂g-si
有時想起當初時
ū-sî siūnn-khí tong-tshoo-sî
反省目屎流袂離
huán-síng ba̍k-sái lâu buē-lī
離爸離母離兄弟
lî pē lî bú lî hiann-tī
猶原也是落雨天
iu-guân iā-sī lo̍h-hōo-thinn
↓↓(口白)—(口白)—(口白)↓↓
啊!手銬鐵窗
ah! tshiú-khàu thih-thang
伴我過五冬
phuānn guá kuè gōo-tang
若是想起著以前的我
nā-sī siūnn-khí tio̍h í-tsîng ê guá
我做的事事項項
guá tsò ê sū-sū-hāng-hāng
攏會來引起著我
lóng ē lâi ín-khí tio̍h guá
反悔佮目箍紅
huán-hué kah ba̍k-khoo âng
當初的我
tong-tshoo ê guá
實在不應該做一个
si̍t-tsāi put ìng-kai tsò tsi̍t-ê
社會的毒蟲
siā-huē ê to̍k-thâng
啊!如今的我
ah! jû-kim ê guá
只有一个希望
tsí-ū tsi̍t-ê hi-bāng
也就是懺悔過去
iā-tsiū-sī tshàm-hué kuè-khì
重新做人啦
tiông-sin tsò-lâng–lah
↑↑(口白)—(口白)—(口白)↑↑
窗外風雨落啊規暝
thang-guā hong-ū lo̍h–ah kui-mî
怨嘆過去暗傷悲
uàn-thàn kè-khì àm siong-pi
早前阮是放蕩兒
tsá-tsîng gún sī hòng-tōng-jî
串做錯誤的代誌
tshuàn tsò tshò-gōo ê tāi-tsì
今日鼻著鐵啊窗味
kim-ji̍t phīnn-tio̍h thih–ah thang bī
烏暗叫阮目屎滴
oo-àm kiò gún ba̍k-sái tih
苦勸朋友佮兄弟
khóo-khǹg pîng-iú kah hiann-tī
浪子回頭是已遲
lōng-tsú huê-thâu sī í tî
