阿爸的話
《阿爸的話》A-pa ê Uē
郭大誠Kueh Tāi-sîng
—————————————–
囝啊~ 囝啊~
kiánn–ah~ kiánn–ah~
阿爸的話你著聽咧
a-pa ê uē lí tio̍h thiann–leh
彼時恁爸仔娶恁娘
hit-sî lín-pâ–á tshuā lín-niâ
無錢做大餅
bô tsînn tsò tuā-piánn
我才牽豬哥去送定
guá tsiah khan-ti-ko khì sàng-tiānn
無花轎駛牛車
bô hue-kiō sái gû-tshia
無房間睏大廳
bô pâng-king khùn tuā-thiann
無紗仔巾用手遮
bô se-á-kin iōng tshiú jia
無帽仔戴匏桸
bô bō-á tì pû-hia
彼時曷無灶佮無鼎
hit-sî a̍h bô tsàu kah bô tiánn
厝內是真散赤
tshù-lāi sī tsin sàn-tsiah
阿爸阿娘來拍拚
a-pa a-niâ lâi phah-piànn
才有三頓通好食
tsiah ū sann-tǹg thang-hó tsia̍h
生你飼你費心情
sinn lí tshī lí huì sim-tsiânn
阿爸的話你著聽咧
a-pa ê uē lí tio̍h thiann–leh
跋筊無穩贏 (嗎啡毋通食)
pua̍h-kiáu bô ún iânn (môo-hui m̄-thang tsia̍h)
警察也欲掠 (食久會無性命)
kíng-tshat iā bueh lia̍h (tsia̍h kú ē bô sìnn-miā)
跤梢間仔你毋通行
kha-sau-king-á lí m̄-thang kiânn
