心疼
《心疼》Sim Thiànn
曹雅雯Tsô Ngá-bûn
——————————————
更深夜靜
kinn tshim iā tsīng
風吹著樹影
hong tshue tio̍h tshiū-iánn
吹著我寂寞的心肝
tshue tio̍h guá tsi̍k-bo̍k ê sim-kuann
上驚聽著雨聲
siōng kiann thiann-tio̍h hōo-siann
聲聲提醒我
siann-siann thê-tshínn guá
我愛的人
guá ài ê lâng
早已經無佇遮
tsá í-king bô tī tsia
思念為你消瘦落肉
su-liām uī lí siau-sán-lo̍h-bah
阮的心疼
gún ê sim thiànn
啥人知影
siánn-lâng tsai-iánn
窗外的跤步聲
thang-guā ê kha-pōo-siann
擾亂阮心肝
jiáu-luān gún sim-kuann
敢講做人
kám-kóng tsuè-lâng
永遠著愛認命
íng-uán tio̍h-ài jīn-miā
啊~咱的情
ah~ lán ê tsîng
若是天安排
nā-sī thinn an-pâi
為何我攏得袂著
uī-hô guá lóng tit buē tio̍h
你真心的關懷
lí tsin-sim ê kuan-huâi
啊~咱的愛
ah~ lán ê ài
若是天註定
nā-sī thinn tsù-tiānn
怎樣最後
tsuánn-iūnn tsuè-āu
我會痴情換心疼
guá ē tshi-tsîng uānn sim thiànn
