倔強的愛
《倔強的愛》Ku̍t-kiông ê Ài
張秀卿Tiunn Siù-khing
——————————————
心藏佇遮
sim tshàng tī tsia
內面有你的名
lāi-bīn ū lí ê miâ
一暝的思念有夠疼
tsi̍t-mî ê su-liām ū-kàu thiànn
冰冷的眼神
ping-líng ê gán-sîn
予我雄雄才知影
hōo guá hiông-hiông tsiah tsai-iánn
放你走
pàng lí tsáu
你已經無欠我
lí í-king bô khiàm guá
當初講你最愛我
tong-tshoo kóng lí tsuè ài guá
遐爾倔強的咒誓
hiah-nī ku̍t-kiông ê tsiù-tsuā
感謝你將我
kám-siā lí tsiong guá
當做若性命
tòng-tsuè ná sìnn-miā
毋管別人怎樣看
m̄-kuán pa̍t-lâng tsuánn-iūnn khuànn
猶是為你等佇遮
iáu-sī uī lí tán tī tsia
等待你轉來
tán-thāi lí tńg-lâi
牽阮做陣行
khan gún tsuè-tīn kiânn
