心連心
《心連心》Sim Liân-sim
孫淑媚Sun Siok-bī
——————————————
你是我心內的春天
lí sī guá sim-lāi ê tshun-thinn
對日到暗陪阮遊山玩水
tuì ji̍t kàu àm puê gún iû-san uán-suí
沿路毋免情話
iân-lōo m̄-bián tsîng-uē
笑聲滿天飛
tshiò-siann muá-thinn pue
你予阮心開花
lí hōo gún sim khui-hue
講好咱永遠袂分開
kóng-hó lán íng-uán buē hun-khui
天邊海角
thinn-pinn hái-kak
一世人伴相隨
tsi̍t-sì-lâng phuānn-siong-suî
無論苦澀滋味
bô-lūn khóo-siap tsu-bī
抑是艱苦過日
ia̍h-sī kan-khóo kuè-ji̍t
啥物阮攏願意
siánn-mih gún lóng guān-ì
看別人的恩愛無稀奇
khuànn pa̍t-lâng ê un-ài bô hi-kî
阮得著的心
gún tit-tio̍h ê sim
比啥較值錢
pí siánn khah ta̍t-tsînn
情意重
tsîng-ì tāng
有你的關心
ū lí ê kuan-sim
疼惜阮勝過一片天
thiànn-sioh gún sìng-kuè tsi̍t-phìnn thinn
將咱兩人的感情
tsiong lán nn̄g-lâng ê kám-tsîng
畫成一个圓
uē sîng tsi̍t-ê înn
平平凡凡
pîng-pîng-huân-huân
享受咱美麗的人生
hiáng-siū lán bí-lē ê jîn-sing
自在的旅行
tsū-tsāi ê lú-hîng
免榮華富貴
bián îng-huâ hù-kuì
兩人的世界
nn̄g-lâng ê sè-kài
只有我佮你
tsí-ū guá kah lí
將咱兩人的真心
tsiong lán nn̄g-lâng ê tsin-sim
圍成一个圓
uî sîng tsi̍t-ê înn
簡簡單單輕鬆
kán-kán-tan-tan khin-sang
過快樂的日子
kuè khuài-lo̍k ê ji̍t-tsí
煩惱囥一邊
huân-ló khǹg tsi̍t-pinn
免山珍海味
bián san-tin-hái-bī
毋管未來欲經過啥環境
m̄-kuán bī-lâi beh king-kuè siánn khuân-kíng
永遠心連心
íng-uán sim liân-sim
