雪中鏡
《雪中鏡》Seh-tiong Kiànn
孫淑媚Sun Siok-bī
——————————————
戀愛的光線
luân-ài ê kng-suànn
照過了東爿的窗外
tsiò kuè-liáu tang-pîng ê thang-guā
冷冰冰的椅頭仔
líng ping-ping ê í-thâu-á
怎樣無你來相倚
tsuánn-iūnn bô lí lâi sio-uá
彼領膨紗衫
hit niá phòng-se-sann
想欲溫暖你心肝
siūnn-beh un-luán lí sim-kuann
你煞無聲無說
lí suah bô-siann-bô-sueh
做你來變卦
tsuè lí lâi piàn-kuà
只賰梳妝臺頂
tsí tshun se-tsng-tâi tíng
彼面鏡佮我做伴
hit bīn kiànn kah guá tsuē-phuānn
毋願看著房間內的彼面鏡
m̄-guān khuànn-tio̍h pâng-king lāi ê hit bīn kiànn
看著心會驚
khuànn tio̍h sim ē kiann
鏡中有咱過去甜蜜心情
kiànn-tiong ū lán kuè-khì tinn-bi̍t sim-tsiânn
如今傷痕遮深啥人伴
jû-kim siong-hûn tsiah tshim siánn-lâng phuānn
若是看著房間內的彼面鏡
nā-sī khuànn-tio̍h pâng-king lāi ê hit bīn kiànn
傷心淚流袂煞
siong-sim luī lâu buē suah
因為阮的稀微消瘦形影
in-uī gún ê hi-bî siau-sán hîng-iánn
若是出現佇遐
nā-sī tshut-hiān tī hia
阮嘛無勇氣閣活
gún mā bô ióng-khì koh ua̍h
