離別雨
《離別雨》Lî-pia̍t Hōo
孫淑媚Sun Siok-bī
——————————————
時常陪你看雨景
sî-siông puê lí khuànn hōo-kíng
想起當時
siūnn-khí tong-sî
過著有你的日子
kuè tio̍h ū lí ê ji̍t-tsí
你溫柔替阮閘雨
lí un-jiû thè gún tsa̍h-hōo
攬著阮
lám tio̍h gún
雨中散步
hōo-tiong sàn-pōo
有你
ū lí
我的心才快樂
guá ê sim tsiah khuài-lo̍k
你講永遠踮阮身邊
lí kóng íng-uán tiàm gún sin-pinn
舊年的雨
kū-nî ê hōo
一場意外你煞離開
tsi̍t-tiûnn ì-guā lí suah lī-khui
以為你我天生一對
í-uî lí guá thian-sing tsi̍t-tuì
到老幸福過一生
kàu lāu hīng-hok kuè it-sing
你敢知阮偌傷心
lí kám tsai gún guā siong-sim
為你目屎流袂停
uī lí ba̍k-sái lâu buē thîng
生死離別的一場雨
sing-sí lī-pia̍t ê tsi̍t-tiûnn hōo
拆散原來的願望
thiah-suànn guân-lâi ê guān-bāng
帶走我所愛的人
tuà tsáu guá sóo ài ê lâng
每日悲傷目箍紅
muí-ji̍t pi-siong ba̍k-khoo âng
無情離別雨
bô-tsîng lī-pia̍t hōo
遐爾仔寒
hiah-nī-á kuânn
美麗結局變絕望
bí-lē kiat-kio̍k piàn tsua̍t-bāng
阮願意用性命來換
gún guān-ì iōng sìnn-miā lâi uānn
還我你的人
hîng guá lí ê lâng
代替你先行
tāi-thè lí sing kiânn
