愛到絕望
《愛到絕望》Ài Kàu Tsua̍t-bōng
孫淑媚Sun Siok-bī
——————————————
冷風吹入門窗
líng-hong tshue ji̍p mn̂g-thang
叫醒一場無情的夢
kiò tshínn tsi̍t-tiûnn bô-tsîng ê bāng
一个痴心的人
tsi̍t-ê tshi-sim ê lâng
忍受命運無情的戲弄
jím-siū miā-ūn bô-tsîng ê hì-lāng
怨嘆戀夢成空
uàn-thàn luân-bāng sîng khang
愛著一个無情的人
ài-tio̍h tsi̍t-ê bô-tsîng ê lâng
一條坎坷情路分西東
tsi̍t-tiâu khám-khia̍t tsîng-lōo hun se-tang
每日傷心目箍紅
muí-ji̍t siong-sim ba̍k-khoo âng
啊~枉費我
ah~ óng-huì guá
枉費我一个
óng-huì guá tsi̍t-ê
重感情的人
tiōng kám-tsîng ê lâng
偏偏你逼我
phian-phian lí pik guá
你逼我愛你
lí pik guá ài lí
愛到絕望
ài kàu tsua̍t-bāng
啊~為著你
ah~ uī-tio̍h lí
為著你痴心
uī-tio̍h lí tshi-sim
為著你夜夜等
uī-tio̍h lí iā-iā tán
敢講愛你到
kám-kóng ài lí kàu
愛你到絕望
ài lí kàu tsuat-bāng
你才甘願
lí tsiah kam-guān
