愛的滋味
《愛的滋味》Ài ê Tsu-bī
孫淑媚Sun Siok-bī
——————————————
寂寞是咱的權利
tsi̍k-bo̍k sī lán ê khuân-lī
你選自由我離開
lí suán tsū-iû guá lī-khui
偏偏相思
phian-phian siunn-si
無暝無日
bô-mî-bô-ji̍t
走偌遠嘛無地覕
tsáu guā hn̄g mā bô-tè bih
阮的愛已經拍毋見
gún ê ài í-king phàng-kìnn
鎖佇你的心內面
só tī lí ê sim lāi-bīn
恬恬歡喜
tiām-tiām huann-hí
恬恬傷悲
tiām-tiām siong-pi
苦佮甜攏分袂開
khóo kah tinn lóng hun buē khui
經過遐久
king-kuè hiah kú
我毋願閣再想起
guá m̄-guān koh-tsài siūnn-khí
愛的彼款滋味
ài ê hit khuán tsu-bī
好心的人
hó-sim ê lâng
將你的愛收轉去
tsiong lí ê ài siu–tńg-khì
對阮是一種慈悲
tuì gún sī tsi̍t-tsióng tsû-pi
往事親像
óng-sū tshin-tshiūnn
拍散的鹹酸甘甜
phah-suànn ê kiâm-sng-kam-tinn
愛到底啥物滋味
ài, tàu-té siánn-mi̍h tsu-bī
毋是毋甘將你完全放袂記
m̄-sī m̄-kam tsiong lí uân-tsuân pàng-buē-kì
苦味嘛贏過空虛
khóo-bī mā iânn kuè khang-hi
