痴情有毒
《痴情有毒》Tshi-tsîng Ū To̍k
孫淑媚Sun Siok-bī
——————————————
除袂掉你踮阮的心內
tû buē tiāu lí tiàm gún ê sim-lāi
改袂掉想你每一工
kái buē tiāu siūnn lí muí tsi̍t-kang
阮痴情中你的毒
gún tshi-tsîng tiòng lí ê to̍k
逃袂開用情的苦
tô buē khui iōng-tsîng ê khóo
揣無自己的靈魂
tshuē-bô tsū-kí ê lîng-hûn
心憂悶
sim iu-būn
明知你無將阮囥心內
bîng-tsai lí bô tsiong gún khǹg sim-lāi
冷淡的薄情使人難挨
líng-tām ê po̍k-tsîng sú-lâng lân ai
是阮痴情太依賴
sī gún tshi-tsîng thài i-lāi
由在你無心對待
iû-tsāi lí bô-sim tuì-thāi
若是心甘情願
nā-sī sim kam tsîng guān
有啥通悲哀
ū siánn thang pi-ai
予天陪阮
hōo thinn puê gún
行完傷心路
kiânn uân siong-sim lōo
笑阮多情
tshiò gún to-tsîng
愛甲遮糊塗
ài kah tsiah hôo-tôo
真心毋是戇
tsin-sim m̄-sī gōng
一時迷戀
tsi̍t-sî bê-luân
袂當阻擋愛你的熱度
buē-tàng tsóo-tòng ài lí ê jia̍t-tōo
望天解脫愛恨感情路
bāng thinn kái-thuat ài hūn kám-tsîng lōo
減輕愛你一切的錯誤
kiám-khin ài lí it-tshè ê tshò-gōo
後悔無路用
hiō-hué bô-lōo-iōng
怪阮痴情
kuài gún tshi-tsîng
愛你無退路
ài lí bô thuè-lōo
深深中你的毒
tshim-tshim tiòng lí ê to̍k
