爸母的心聲
《爸母的心聲》Pē-bú ê Sim-siann
孫淑媚Sun Siok-bī
——————————————
咇嚦啪啦的炮仔聲
phih-lih-phah-lah ê phàu-á-siann
新娘轎車欲起行
sin-niû kiau-tshia beh khí-kiânn
朋友的祝福是噗仔聲
pîng-iú ê tsiok-hok sī pho̍k-á-siann
拜別阮的鄉親序大
pài-pia̍t gún ê hiong-tshin sī-tuā
除了感恩佮感謝
tû-liáu kám-un kah kám-siā
已經揣無字通好寫
í-king tshuē-bô jī thang-hó siá
做著一个賢妻好娘囝
tsuè tio̍h tsi̍t-ê hiân-tshe hó niû-kiánn
阮會一步步小心行
gún ē tsi̍t-pōo-pōo sió-sim kiânn
雖然嫁出去的查某囝
sui-jiân kè–tshut-khì ê tsa-bóo-kiánn
親像飛出岫的鳥隻
tshin-tshiūnn pue tshut siū ê tsiáu-tsiah
但是阮會早日
tān-sī gún ē tsá-ji̍t
抱孫轉去予恁看
phō sun tńg-khì hōo lín khuànn
真幸福做恁的查某囝
tsin hīng-hok tsuè lín ê tsa-bóo-kiánn
人攏講恁真?教
lâng lóng kóng lín tsin gâu kà
今仔日才有一段好姻緣
kin-á-ji̍t tsiah ū tsi̍t-tuānn hó in-iân
良時吉日做親情
liông-sî kiat-ji̍t tsuè-tshin-tsiânn
真幸福做恁的查某囝
tsin hīng-hok tsuè lín ê tsa-bóo-kiánn
無奈扛轎的欲起行
bô-nāi kng-kiō–ê beh khí-kiânn
目睭內的彼滴汗
ba̍k-tsiu lāi ê hit tih kuānn
原來是天下爸母的心聲
guân-lâi sī thian-hā pē-bú ê sim-siann
—
目睭內的彼滴汗
ba̍k-tsiu lāi ê hit tih kuānn
原來是天下爸母的心聲
guân-lâi sī thian-hā pē-bú ê sim-siann
