思念你的歌
《思念你的歌》Su-liām Lí ê Kua
孫淑媚Sun Siok-bī
——————————————
黃昏日頭無元氣
hông-hun ji̍t-thâu bô guân-khì
照著傷心的城市
tsiò tio̍h siong-sim ê siânn-tshī
月娘也攏無看見
gue̍h-niû iā lóng bô khuànn-kìnn
敢是不忍心
kám-sī put jím-sim
看阮的心碎
khuànn gún ê sim tshuì
落葉慢慢咧落啊
lo̍h-hio̍h bān-bān teh lo̍h–ah
聲聲鑿阮的心肝
siann-siann tsha̍k gún ê sim-kuann
秋風輕輕咧唱著
tshiu-hong khin-khin teh tshiùnn tio̍h
思念的歌詩
su-liām ê kua-si
你敢有聽見
lí kám ū thiann-kìnn
啊天啊
ah thinn–ah
哪會遮爾無情
ná ē tsiah-nī bô-tsîng
意外害你來行出阮性命
ì-guā hāi lí lâi kiânn tshut gún sìnn-miā
將咱的美夢
tsiong lán ê bí-bāng
一一來拆散
it-it lâi thiah-suànn
淚已經焦
luī í-king ta
欲吼無聲
beh háu bô-siann
孤單跤步
koo-tuann kha-pōo
一步一步
tsi̍t-pōo-tsi̍t-pōo
踏著咱行過的路
ta̍h-tio̍h lán kiânn–kuè ê lōo
毋管時間怎樣咧過
m̄-kuán sî-kan tsuánn-iūnn teh kuè
千年抑萬年
tshian-nî ia̍h bān-nî
猶原思念你
iu-guân su-liām lí
