為愛活落去
《為愛活落去》Uī Ài Ua̍h–lo̍h-khì
孫淑媚Sun Siok-bī
——————————————
夜都市的燈火
iā-too-tshī ê ting-hué
閃閃爍爍
siám-siám-sih-sih
有淡薄仔予人傷心的氣味
ū tām-po̍h-á hōo-lâng siong-sim ê khì-bī
愛若一支鎖匙
ài ná tsi̍t-ki só-sî
將你鎖在阮心內面
tsiong lí só tsāi gún sim lāi-bīn
只有你會當拍予開
tsí-ū lí ē-tàng phah hōo khui
你佇佗位
lí tī tó-uī
斷腸人流目屎
tuān-tn̂g-lâng lâu ba̍k-sái
需要勇氣
su-iàu ióng-khì
有淡薄仔希望
ū tām-po̍h-á hi-bāng
心就毋願死
sim tiō m̄-guān sí
愛是走對佗位覕
ài sī tsáu tuì tó-uī bih
思念哪會無藥通醫
su-liām ná ē bô io̍h thang i
我已經袂記
guá í-king buē-kì
彼款甜是啥物滋味
hit khuán tinn sī siánn-mih tsu-bī
為愛活落去
uī ài ua̍h–lo̍h-khì
寂寞活落去
tsi̍k-bo̍k ua̍h–lo̍h-khì
為情無講苦一字
uī tsîng bô kóng khóo tsi̍t-jī
這條路對遮開始
tsit tiâu lōo uì tsia khai-sí
請你毋免按算阮的傷悲
tshiánn lí m̄-bián àn-sǹg gún ê siong-pi
為愛活落去
uī ài ua̍h–lo̍h-khì
孤單活落去
koo-tuann ua̍h–lo̍h-khì
為你就是為家己
uī lí tiō-sī uī ka-kī
這世人予阮愛過你
tsit-sì-lâng hōo gún ài kuè lí
是上天的慈悲
sī siōng-thian ê tsû-pi
