攏是無情人
《攏是無情人》Lóng Sī Bô-tsîng-lâng
孫淑媚Sun Siok-bī
——————————————
風吹心頭亂
hong tshue sim-thâu luān
想起彼个人
siūnn-khí hit ê lâng
夜色茫茫心暗淡
iā-sik bâng-bâng sim àm-tām
深深思戀舊情夢
tshim-tshim su-luân kū tsîng-bāng
心哪會堪受苦痛
sim ná ē kham siū khóo-thàng
愛到情深也是虛空
ài kàu tsîng tshim iā sī hi-khang
往事隨風送
óng-sū suî hong sàng
偷偷來刺探
thau-thau lâi tshì-thàm
敢是愛已經絕望
kám-sī ài í-king tsua̍t-bāng
戀戀不捨舊情人
luân-luân put-siá kū tsîng-lâng
悲傷為你目箍紅
pi-siong uī lí ba̍k-khoo âng
有緣無份嘛是戲弄
ū iân bô hūn mā sī hì-lāng
越頭看冷冷的世間
ua̍t-thâu khuànn líng-líng ê sè-kan
攏是無情人
lóng-sī bô-tsîng-lâng
守著一段情
siú tio̍h tsi̍t-tuānn tsîng
最後也是一場空
tsuè-āu iā-sī tsi̍t-tiûnn khang
你永遠攏毋捌
lí íng-uán lóng m̄-bat
愛的背後是遺憾
ài ê puē-āu sī uî-hām
無人會當感受的淒涼
bô-lâng ē-tàng kám-siū ê tshe-liâng
越頭看冷冷的世間
ua̍t-thâu khuànn líng-líng ê sè-kan
攏是無情人
lóng-sī bô tsîng-lâng
阮愛你的心
gún ài lí ê sim
親像風吹無回航
tshin-tshiūnn hong-tshue bô huê-hâng
心猶原是毋甘
sim iu-guân sī m̄-kam
愛毋愛攏是怨嘆
ài m̄-ài lóng-sī uàn-thàn
情深意亂
tsîng tshim ì luān
苦是無地藏
khóo sī bô-tè tshàng
