活到老愛到老
《活到老愛到老》Ua̍h Kàu Lāu Ài Kàu Lāu
孫淑媚Sun Siok-bī
——————————————
啥物比山盟有效
siánn-mih pí san-bîng ū-hāu
啥物比海誓較厚
siánn-mih pí hái-sè khah kāu
只有真心
tsí-ū tsin-sim
毋免借口
m̄-bián tsioh-kháu
我的坦白相信你明瞭
guá ê thán-pe̍h siong-sìn lí bîng-liâu
我甘願將真愛用了
guá kam-guān tsiong tsin-ài iōng liáu
一世人也嫌無夠
tsi̍t-sì-lâng iā hiâm bô-kàu
感情的路只有一條
kám-tsîng ê lōo tsí-ū tsi̍t-tiâu
這條情歌
tsit tiâu tsîng-kua
永遠袂變調
íng-uán buē piàn-tiāu
活到老愛到老
ua̍h kàu lāu ài kàu lāu
全世界
tsuân sè-kài
無人比你較重要
bô-lâng pí lí khah tiōng-iàu
無論世事怎變化
bô-lūn sè-sū tsuánn piàn-huà
牽你的手
khan lí ê tshiú
用真心將你留
iōng tsin-sim tsiong lí lâu
—
活到老愛到老
ua̍h kàu lāu ài kàu lāu
欲永遠將你囥踮阮心頭
beh íng-uán tsiong lí khǹg tiàm gún sim-thâu
無論風雨有偌大
bô-lūn hong-hōo ū guā tuā
悲歡離合
pi-huan lî-ha̍p
我陪你行透透
guá puê lí kiânn-thàu-thàu
悲歡離合
pi-huan lî-ha̍p
我陪你行透透
guá puê lí kiânn-thàu-thàu
