無情風雨寂寞暝
《無情風雨寂寞暝》Bô-tsing Hong-hōo Tsi̍k-bo̍k Mî
孫淑媚Sun Siok-bī
——————————————
有情的人像春天
ū tsîng ê lâng tshiūnn tshun-thinn
紅紅花蕊真正媠
âng-âng hue-luí tsin-tsiànn suí
無情的人像寒天
bô tsîng ê lâng tshiūnn kuânn-thinn
失去芳味等花死
sit-khì phang-bī tán hue sí
有愛的人笑容開
ū ài ê lâng tshiò-iông khui
無愛的人註定受針揻
bô ài ê lâng tsù-tiānn siū tsiam ui
無情風雨寂寞暝
bô-tsîng hong-hōo tsi̍k-bo̍k mî
目屎親像雨咧滴
ba̍k-sái tshin-tshiūnn hōo teh tih
心內猶原咧想你
sim-lāi iu-guân teh siūnn lí
只是毋敢講出喙
tsí-sī m̄-kánn kóng tshut-tshuì
無情風雨心稀微
bô-tsîng hong-hōo sim hi-bî
受傷的我佗位去
siū-siong ê guá tó-uī khì
所有希望寄予天
sóo-ū hi-bāng kià hōo thinn
望你轉來阮身邊
bāng lí tńg-lâi gún sin-pinn
