港邊等愛人
《港邊等愛人》Káng-pinn Tán Ài-jîn
海蘭Hái-lân
——————————————
在港邊等待著你
tsāi káng-pinn tán-thāi tio̍h lí
毋管天光抑半暝
m̄-kuán thinn-kng ia̍h puànn-mî
波浪聲一陣一陣
pho-lōng siann tsi̍t-tsūn-tsi̍t-tsūn
引阮心傷悲
ín gún sim siong-pi
希望欲佮君相見
hi-bāng beh kah kun sio-kìnn
毋驚風吹雨水滴
m̄-kiann hong-tshue hōo-tsuí tih
只期待心愛的人
tsí kî-thāi sim-ài ê lâng
只期待心愛的人
tsí kî-thāi sim-ài ê lâng
早日轉鄉里
tsá-ji̍t tńg hiunn-lí
心肝內不時想起
sim-kuann-lāi put-sî siūnn-khí
當初離別在船頭
tong-tshoo lī-pia̍t tsāi tsûn-thâu
相交代一句一句
sio kau-tài tsi̍t-kù-tsi̍t-kù
目屎相對流
ba̍k-sái sio-tuì lâu
手牽手毋甘放開
tshiú khan tshiú m̄-kam pàng–khui
千言萬語講袂透
tshian-giân bān-gú kóng buē thàu
只希望心愛的人
tsí hi-bāng sim-ài ê lâng
只希望心愛的人
tsí hi-bāng sim-ài ê lâng
野花無亂交
iá-hue bô luān kau
阮對你真情實愛
gún tuì lí tsin-tsîng si̍t-ài
毋驚風雨佮阻礙
m̄-kiann hong-hōo kah tsóo-gāi
等郎君一日一日
tán lông-kun tsi̍t-ji̍t-tsi̍t-ji̍t
消瘦你毋知
siau-sán lí m̄-tsai
孤單在港邊等待
koo-tuann tsāi káng-pinn tán-thāi
目睭金金看大海
ba̍k-tsiu kim-kim khuànn tuā-hái
請借問心愛的人
tshiánn tsioh-mn̄g sim-ài ê lâng
請借問心愛的人
tshiánn tsioh-mn̄g sim-ài ê lâng
何時會轉來
hô-sî ē tńg–lâi
