花中語
https://www.youtube.com/watch?v=GXa7_LwfINI&fbclid=IwAR3BvffeTWuBbaoIXCvCwxFwULfnQHP4VJth1OFjmaMMC1K2VwAdQI8qzjg
《花中語》Hue-tiong Gí
翁立友Ang Li̍p-iú
——————————————
冷風微微夜半暝
líng-hong bî-bî iā-puànn-mî
落葉飄零亂心意
lo̍h-hio̍h phiau-lîng luān sim-ì
蝴蝶相隨一場戲
ôo-tia̍p siong-suî tsi̍t-tiûnn hì
破碎心酸探憔悴
phò-tshuì sim-sng thàm tsiâu-tsuī
唸著古詩斷腸字
liām tio̍h kóo-si tuān-tn̂g jī
水影月光望歸日
tsuí-iánn gue̍h-kng bāng kui-ji̍t
提筆句句相思淚
the̍h pit kù-kù siunn-si luī
滴落墨臺春水池
tih lo̍h ba̍k-tâi tshun-tsuí-tî
痴情杜鵑聲聲啼
tshi-tsîng tōo-kuan siann-siann thî
人生最苦生死離
jîn-sing tsuè-khóo sing-sú lî
青春糊塗放伊去
tshing-tshun hôo-tôo pàng i khì
夢醒酒味透深更
bāng-tshínn tsiú-bī thàu tshim-kinn
冷風微微雨綿綿
líng-hong bî-bî hōo mî-mî
孤枝寒梅怨春天
koo-ki hân-muî uàn tshun-thinn
鴛鴦相隨人分飛
uan-iunn siong-suî lâng hun-hui
破鏡緣份難重圓
phuà-kiànn iân-hūn lân tiông-înn
問花淚眼花中語
mn̄g hue luī-gán hue-tiong gí
遙遙無期等啥物
iâu-iâu bû-kî tán siánn-mih
秋分冬氣野火子
tshiu-hun tang-khì iá-hué tsí
毋知何時開新穎
m̄-tsai hô-sî khui sin-ínn
痴情杜鵑聲聲啼
tshi-tsîng tōo-kuan siann-siann thî
人生最苦生死離
jîn-sing tsuè-khóo sing-sú lî
青春糊塗放伊去
tshing-tshun hôo-tôo pàng i khì
夢醒酒味透深更
bāng-tshínn tsiú-bī thàu tshim-kinn
