絕情路
《絕情路》Tsua̍t-tsîng-lōo
翁立友Ang Li̍p-iú
——————————————
一陣陣淒涼的雨
tsi̍t-tsūn-tsūn tshe-liâng ê hōo
落袂停殘破思慕
lo̍h buē thîng tsân-phuà su-bōo
揣無幸福的路途
tshuē-bô hīng-hok ê lōo-tôo
留佇心只有堅強
lâu tī sim tsí-ū kian-kiông
半夢半醒孤夜暝
puànn bāng puànn tshínn koo iā-mî
趕袂離夢中心碎
kuánn buē lî bāng-tiong sim tshuì
終歸認清所有一切
tsiong-kui jīn-tshing sóo-ū it-tshè
只有明月天星
tsí-ū bîng-gue̍h thinn-tshinn
知阮袂後悔
tsai gún buē hiō-hué
一條絕情路
tsi̍t-tiâu tsua̍t-tsîng-lōo
寸寸傷痕心無怨妒
tshùn-tshùn siong-hûn sim bô uàn-tòo
當做命運來磨
tòng-tsuè miā-ūn lâi buâ
步步是覺悟
pōo-pōo sī kak-ngōo
一條絕情路
tsi̍t-tiâu tsua̍t-tsîng-lōo
斬斷痴心留的痛苦
tsám-tn̄g tshi-sim lâu ê thòng-khóo
相信天無絕人之路
siong-sìn thinn bô tsua̍t-jîn tsi-lōo
何必為情誤前途
hô-pit uī tsîng gōo tsiân-tôo
哪通閣糊塗
ná-thang koh hôo-tôo
傷一生無退路
siong it-sing bô thuè-lōo
