向前衝
《向前衝》Hiòng-tsiân Tshiong
袁小迪Uân Sió-ti̍k
——————————————
外表真堅強
guā-piáu tsin kian-kiông
隱瞞心內的苦楚
ún-muâ sim-lāi ê khóo-tshóo
為著予你
uī-tio̍h hōo lí
對我袂來失望
tuì guá buē lâi sit-bōng
我保持我的笑容
guá pó-tshî guá ê tshiò-iông
面對挑戰
bīn-tuì thiau-tsiàn
我向前衝
guá hiòng-tsiân tshiong
壓力是成長
ap-li̍k sī sîng-tióng
有失敗才有成功
ū sit-pāi tsiah ū sîng-kong
為著堅定我不變的理想
uī-tio̍h kian-tīng guá put-piàn ê lí-sióng
我把握我的方向
guá pá-ak guá ê hong-hiòng
勇敢踏出我的每一步
ióng-kám ta̍h-tshut guá ê muí tsi̍t-pōo
心頭掠予定
sim-thâu lia̍h hōo tiānn
愛拚才會知輸贏
ài piànn tsiah ē tsai su-iânn
毋免怨嘆
m̄-bián uàn-thàn
別人比咱較好命
pa̍t-lâng pí lán khah hó-miā
無啥通好驚
bô siánn thang-hó kiann
氣魄是咱的名
khì-phik sī lán ê miâ
未來的路
bī-lâi ê lōo
咱只有鬥陣來行
lán tsí-ū tàu-tīn lâi kiânn
