感情這齣戲
《感情這齣戲》Kám-tsîng Tsit Tshut Hì
袁小迪Uân Sió-ti̍k
——————————————
毋甘將你吵醒
m̄-kam tsiong lí tshá tshínn
恬恬聽你的喘氣
tiām-tiām thiann lí ê tshuán-khuì
眠床邊想起過去
bîn-tshn̂g pinn siūnn-khí kuè-khì
點點滴滴攏是甜
tiám-tiám-tih-tih lóng-sī tinn
電視已經煞戲
tiān-sī í-king suah-hì
親像對阮來暗示
tshin-tshiūnn tuì gún lâi àm-sī
咱的感情這齣戲
lán ê kám-tsîng tsit tshut hì
時陣若到夢就醒
sî-tsūn nā kàu bāng tiō tshínn
你的面阮看規暝
lí ê bīn gún khuànn kui-mî
越頭喉已經滇
ua̍t-thâu âu í-king tīnn
一个人強忍著心碎
tsi̍t-ê-lâng kiông jím tio̍h sim-tshuì
一步步行攏袂離開
tsi̍t-pōo-pōo kiânn lóng buē lī-khui
揹著這跤行李
phāinn tio̍h tsit kha hîng-lí
心肝內上重是你
sim-kuann-lāi siōng tāng sī lí
這句話毋捌講出喙
tsit kù uē m̄-bat kóng tshut-tshuì
心愛的
sim-ài–ê
阮是真心愛你
gún sī tsin-sim ài lí
雺霧罩四邊
bông-bū tà sì-pinn
親像阻止阮離開
tshin-tshiūnn tsóo-tsí gún lī-khui
飛行機慢慢飛起
hue-lîng-ki bān-bān pue khí
阮的心
gún ê sim
已經死
í-king sí
