Ba Ba Ba

《Ba Ba Ba》
王思佳 Ông Su-ka
——————————————
恁的愛情故事
lín ê ài-tsîng kòo-sū
我已經聽甲幾若擺
guá í-king thiann kah kuí-lō pái
煞一通曖昧電話
suah tsi̍t-thong ài-māi tiān-uē
予恁想欲Say Good-bye
hōo lín siūnn-beh Say Good-bye
陪你佇KTV唱情歌
puê lí tī KTV tshiùnn tsîng-kua
哭甲無目屎
khàu kah bô ba̍k-sái
覆佇阮大腿
phak tī gún tuā-thuí
講著查埔人就感慨
kóng tio̍h tsa-poo-lâng tō kám-khài

伊若是無乖
i nā-sī bô kuai
冗早共甩開
liōng-tsá kā shuǎikāi
佇這个時代
tī tsit-ê sî-tāi
著愛勇敢
tio̍h-ài ióng-kám
愛嘛愛勇敢共淘汰
ài, mā ài ióng-kám kā táotài

Pa Pa Pa Pa
欲後悔已經傷慢
beh hiō-hué í-king siunn bān
Pa Pa Pa Pa
早就無咧希罕
tsá tiō bô leh hi-hán
Pa Pa Pa Pa
就算你欲跪落來
tiō-sǹg lí beh kuī–lo̍h-lâi
Pa Pa Pa Pa
這款的腳數
tsit khuán ê kioh-siàu
將伊踢落臺
tsiong i that lo̍h tâi

親愛的
tshin-ài–ê
將你的目屎
tsiong lí ê ba̍k-sái
就暫時收起來
tiō tsiām-sî siu–khí-lâi
有姊妹鬥陣
ū tsí-muē tàu-tīn
陪你騎著咱的烏肚䆀
puê lí khiâ tio̍h lán ê oo-tóo-bái
去咱定去的海邊
khì lán tiānn khì ê hái-pinn
啉著bih-luh看大海
lim tio̍h bih-luh khuànn tuā-hái
無愛的灌溉
bô ài ê kuàn-kài
咱嘛是會當natural high
lán mā sī ē-tàng Natural High