行舟曲
《行舟曲》Hîng-tsiu Khik
紀露霞 Kí Lōo-hâ
——————————————
月照海中央
ge̍h tsiò hái tiong-ng
夜風吹帆船
iā-hong tshue phâng-tsûn
予阮心頭酸
hōo gún sim-thâu sng
欸~予阮心頭酸啊
eh~ hōo gún sim-thâu sng–ah
漂浪的行船
phiau-lōng ê kiânn-tsûn
離開千里遠
lī-khui tshian-lí hn̄g
看著月才光
khuànn-tio̍h ge̍h tsiah kng
雖然離開遠
sui-jiân lī-khui hn̄g
欸~雖然離開遠啊
eh~ sui-jiân lī-khui hn̄g–ah
月娘也伴船
ge̍h-niû iā phuānn tsûn
為著變孤單
uī-tio̍h piàn koo-tuann
悲傷凍心肝
pi-siong tàng sim-kuann
為著來拆散
uī-tio̍h lâi thiah-suànn
欸~為著來拆散啊
eh~ uī-tio̍h lâi thiah-suànn–ah
漂浪變孤單
phiau-lōng piàn koo-tuann
