東京情歌
《東京情歌》Tang-kiann Tsîng-kua Tokyo
洪榮宏Âng Îng-hông
——————————————
Tokyo再會啦
Tokyo tsài-huē–lah
斷腸的心事留踮遮
tuān-tn̂g ê sim-sū lâu tiàm tsia
Tokyo你愛我
Tokyo lí ài guá
手中機票裂做一半
tshiú-tiong ki-phiò liah tsuè tsi̍t-puànn
Tokyo無留我
Tokyo bô lâu guá
過去的戀情是算啥
kuè-khì ê luân-tsîng sī sǹg siánn
一幕幕山盟海誓
tsi̍t-bōo-bōo san-bîng hái-sè
還予我
hîng hōo guá
雙人的寂寞情歌
siang-lâng ê tsi̍k-bo̍k tsîng-kua
一條一條唱袂煞
tsi̍t-tiâu tsi̍t-tiâu tshiùnn buē-suah
無需要為阮拖磨
bô su-iàu uī gún thua-buâ
也毋免你為我咒誓
iā m̄-bián lí uī guá tsiù-tsuā
你來來來陪我跳舞
lí lâi lâi lâi puê guá thiàu-bú
我嘛來來牽你的手
guá mā lâi lâi khan lí ê tshiú
你愛自由
lí ài tsū-iû
予你自由
hōo lí tsū-iû
你欲解憂
lí beh kái-iu
我用酒來解愁
guá iōng tsiú lâi kái-tshiû
我來來來陪你跳舞
guá lâi lâi lâi puê lí thiàu-bú
你來來來牽阮的手
lí lâi lâi lâi khan gún ê tshiú
舊的房間
kū ê pâng-king
夢的夜景
bāng ê iā-kíng
我若想你
guá nā siūnn lí
路燈佮天星
lōo-ting kah thinn-tshinn
安慰心情
an-uì sim-tsîng
一句再會啦
tsi̍t-kù tsài-huē–lah
斷腸的心事留踮遮
tuān-tn̂g ê sim-sū lâu tiàm tsia
你講你愛我
lí kóng lí ài guá
甜蜜情意裂做一半
tinn-bi̍t tsîng-ì liah tsuè tsi̍t-puànn
心愛無留我
sim-ài bô lâu guá
過去的戀情是算啥
kuè-khì ê luân-tsîng sī sǹg siánn
一幕幕山盟海誓
tsi̍t-bōo-bōo san-bîng hái-sè
還予我
hîng hōo guá
