三年的舊情
《三年的舊情》Sann-nî ê Kū-tsîng
洪榮宏Âng Îng-hông
——————————————
這陣雨哪落袂停
tsit tsūn hōo ná lo̍h buē-thîng
引起我想起彼段情
ín-khí guá siūnn-khí hit tuān tsîng
纏綿的情
tînn-mî ê tsîng
迷戀的情
bê-luân ê tsîng
難忘的舊情
lân-bōng ê kū-tsîng
想起彼當時
siūnn-khí hit-tong-sî
啊佮你分開彼个暗暝
ah~ kah lí hun-khui hit ê àm-mî
猶原是大雨落袂停
iu-guân sī tuā-hōo lo̍h buē-thîng
雨水哪會洗攏袂清
hōo-tsuí ná ē sé lóng bē-tshing
三年的舊情
sann-nî ê kū-tsîng
這陣雨落到三更
tsit tsūn hōo lo̍h kàu sann-kinn
擾亂我茫茫睏袂去
jiáu-luān guá bâng-bâng khùn bē-khì
可愛的你
khó-ài ê lí
可恨的你
khó-hūn ê lí
難忘的女兒
lân-bōng ê lú-jî
情甘意願
tsîng kam ì guān
啊~雙人分開全無異議
ah~ siang-lâng hun-khui tsuân bô ī-gī
自彼日情絲斷了離
tsū hit ji̍t tsîng-si tuān liáu-lī
雨水哪會洗攏袂清
hōo-tsuí ná ē sé lóng bē-tshing
三年的情義
sann-nî ê tsîng-gī
