城市的心愛姑娘
https://www.youtube.com/watch?v=Ar1apUSsX-U&fbclid=IwAR0p1BjEpeOCDFagb4WjUMUCO5dlJ6D0hv5wh7mJGr2Mey1czPQV27QWbDU
《城市的心愛姑娘》Siânn-tshī ê Sim-ài Koo-niû
洪第七Âng Tē-tshit
——————————————
春天來
tshun-thinn lâi
梅花開
muî-hue khui
心愛姑娘哪無來
sim-ài koo-niû ná bô lâi
咱雙人初次熟似
lán siang-lâng tshoo-tshù si̍k-sāi
談情頭一擺
tâm-tsîng thâu-tsi̍t-pái
彼陣你叫我等待
hit-tsūn lí kiò guá tán-thāi
今年春天欲閣來
kin-nî tshun-thinn beh koh lâi
每早起到日落西
muí tsá-khí kàu ji̍t lo̍h-sai
等你攏無來
tán lí lóng bô lâi
城市的心愛姑娘
siânn-tshī ê sim-ài koo-niû
城市的心愛姑娘
siânn-tshī ê sim-ài koo-niû
啊~怎樣你無來
ah~ tsuánn-iūnn lí bô lâi
風微微
hong bî-bî
山青青
suann tshinn-tshinn
佮你離開過一年
kah lí lī-khui kè tsi̍t-nî
彼當時我?你
hit-tong-sî guá tshuā lí
去彼條的河邊
khì hit tiâu ê hô-pinn
咱合唱戀愛歌詩
lán ha̍p-tshiùnn luân-ài kua-si
談情說愛情纏綿
tâm-tsîng seh-ài tsîng tînn-mî
欲相見約我今年
beh sio-kìnn iok guá kin-nî
梅樹開花時
muî-tshiū khui-hue sî
城市的心愛姑娘
siânn-tshī ê sim-ài koo-niû
城市的心愛姑娘
siânn-tshī ê sim-ài koo-niû
啊~怎樣你無來
ah~ tsuánn-iūnn lí bô lâi
夏天來
hā-thinn lâi
雨水滴
hōo-tsuí tih
等無姑娘心稀微
tán bô koo-niû sim hi-bî
我就是田庄男兒
guá tsiū-sī tshân-tsng lâm-jî
你是千金女
lí sī tshian-kim-lí
咱雙人約束代誌
lán siang-lâng iok-sok tāi-tsì
你遮會來放袂記
lí tsiah ē lâi pàng-buē-kì
我毋願切斷情絲
guá m̄-guān tshiat-tn̄g tsîng-si
永遠等著你
íng-uán tán tio̍h lí
城市的心愛姑娘
siânn-tshī ê sim-ài koo-niû
城市的心愛姑娘
siânn-tshī ê sim-ài koo-niû
啊~怎樣你無來
ah~ tsuánn-iūnn lí bô lâi
