臺東調+鮮蚵仔嫂

《臺東調+鮮蚵仔嫂》Tâi-tang-tiāu

洪小喬Âng Sió-kiâu

——————————————

來去臺東是花蓮港

lâi-khì Tâi-tang sī Hue-liân-káng

夭壽尖山仔佇咧鎮中央

iáu-siū Tsiam-suann-á tī-leh tìn tiong-ng

等候尖山來踅輾轉

tán-hāu Tsiam-suann lâi se̍h-liàn-tńg

轉來佮阿娘仔喂彼个睏仝床

tńg–lâi kah a-niû-á–uê hit-ê khùn kāng tshn̂g

來去臺東是花蓮港

lâi-khì Tâi-tang sī Hue-liân-káng

路頭生疏啊喂彼个毋捌人

lōo-thâu tshinn-soo–ah-uê hit-ê m̄-pat lâng

希望阿君仔是來疼痛

hi-bāng a-kun-á sī lâi thiànn-thàng

疼痛阮阿娘仔喂彼个出外人

thiànn-thàng gún a-niû-á–uê hit-ê tshut-guā-lâng

人的阿君仔是穿西米羅

lâng ê a-kun-á sī tshīng se-bí-looh

阮的阿君仔喂佇咧抾鮮蚵

gún ê a-kun-á–uê tī-leh khioh tshinn-ô

人人叫阮是鮮蚵仔嫂

lâng-lâng kiò gún sī tshinn-ô-á-só

欲食鮮蚵仔喂彼个免驚無

beh tsia̍h tshinn-ô-á–uê hit-ê bián-kiann bô

欲食鮮蚵仔喂彼个免驚無

bueh tsia̍h tshinn-ô-á–uê hit-ê bián-kiann bô