行船人

《行船人》Kiânn-tsûn-lâng
洪一峰Âng It-hong
——————————————
紅燈青燈薰酒芳
âng-ting tshinn-ting hun-tsiú phang
胭脂水粉會迷人
ian-tsi tsuí-hún ē bê-lâng
甘願為妹事業放
kam-guān uī muē sū-gia̍p pàng
啉酒助膽鬥相幫
lim-tsiú tsōo-tánn tàu siong-pang
拍phe-sih喝拳攑酒矸
phah phe-sih huah-kûn gia̍h tsiú-kan
燒酒那啉面袂紅
sio-tsiú ná lim bīn buē âng
阮是行船人
gún sī kiânn-tsûn-lâng
阮是行船人
gún sī kiânn-tsûn-lâng
啊~行船人
ah~ kiânn-tsûn-lâng

紅烏ドレス引阮想(dress)
âng-oo loo-lé-suh ín gún siūnn
航海轉來揣女友
hang-hái tńg–lâi tshē lú-iú
ナイトクラブ カクテル(nightclub cocktail)
nái-tooh khu-lá-buh kha-khú-tè-luh
行船勞苦全無想
kiânn-tsûn lô-khóo tsuân bô siūnn
妖嬌ダンサー共阮搝(dancer)
iau-kiau làn-sah kā gún giú
心涼脾開袂憂愁
sim liâng pî khui buē iu-tshiû
阮是行船友
gún sī kiânn-tsûn-iú
阮是行船友
gún sī kiânn-tsûn-iú
啊~啉燒酒
ah~ lim sio-tsiú

月娘漸漸鑽雲縫
ge̍h-niû tsiām-tsiām tsǹg hûn-phāng
雙人賞月在小窗
siang-lâng siúnn-ge̍h tsāi sió-thang
一夜真情毋甘放
tsi̍t-iā tsin-tsîng m̄-kam pàng
這次停留兩三工
tsit-tshù thîng-liû nn̄g-sann kang
開船袂通看彼人
khui-tsûn buē thang khuànn hit lâng
想欲佮伊一世人
siūnn-beh kah i tsi̍t-sì-lâng
阮是海中人
gún sī hái-tiong-lâng
阮是海中人
gún sī hái-tiong-lâng
啊~多情人
ah~ to-tsîng-lâng