男性的情淚

https://www.youtube.com/watch?v=sY2CZZ7gDwY&fbclid=IwAR0h59yoIzpdE9oUPtRb_qkOjepIFOJcUIuJvQlroxMKZkVLVCJJZ3AL1TM

《男性的情淚》Lâm-sìng ê Tsîng-luī
洪一峰Âng It-hong
——————————————
做男兒毋願來
tsuè lâm-jî m̄-guān lâi
滴落傷心淚
tih lo̍h siong-sim luī
雖然是我已經
sui-jiân sī guá í-king
袂通佮你來做堆
buē-thang kah lí lâi tsuè-tui
看做是一場的
khuànn-tsuè sī tsi̍t-tiûnn ê
無緣份的眠夢
bô iân-hūn ê bîn-bāng
難忘的青紅燈
lân-bōng ê tshinn-âng-ting
可愛櫻桃喙
khó-ài ing-thô-tshuì
再會啊再會啦
tsài-huē–ah tsài-huē–lah
希望你毋通
hi-bōng lí m̄-thang
閣再悲傷珠淚墜
koh-tsài pi-siong tsu-luī tuī
做男兒總是毋願
tsuè lâm-jî tsóng-sī m̄-guān
來滴落傷心淚
lâi tih lo̍h siong-sim luī

↓↓—(伴唱)—↓↓
女)
毋知女性的真心
m̄-tsai lú-sìng ê tsin-sim
你也強欲離開去
lír iā kiōng-beh lī-khui khì
↑↑—(伴唱)—↑↑

做男兒毋願來
tsuè lâm-jî m̄-guān lâi
滴落傷心淚
tih lo̍h siong-sim luī
雖然是你心內
sui-jiân sī lí sim-lāi
真毋甘我來離開
tsin m̄-kam guá lâi lī-khui
請原諒男性
tshiánn guân-liōng lâm-sìng
有難表明的心情
ū lân piáu-bîng ê sim-tsîng
無願意你一生
bô guān-ì lí it-sing
為我來食虧
uī guá lâi tsia̍h-khui
再會啊再會啦
tsài-huē–ah tsài-huē–lah
遠遠的一粒天星
hn̄g-hn̄g ê tsi̍t-lia̍p thinn-tshinn
對我一直催
tuì guá it-ti̍t tshui
希望你毋通為我
hi-bōng lí m̄-thang uī guá
來流著傷心淚
lâi lâu tio̍h siong-sim luī