花紅的手巾

《花紅的手巾》Hue-âng ê Tshiú-kin
洪一峰Âng It-hong
——————————————
秋風冷冰
tshiu-hong líng-ping
黃葉落
n̂g-hio̍h lo̍h
日黃昏
ji̍t hông-hun
伊彼日猶原有
i hit ji̍t iu-guân ū
提出來拭珠淚
the̍h tshut-lâi tshit tsu-luī
彼條花紅手巾
hit tiâu hue-âng tshiú-kun
運命雖然來耽誤
ūn-miā sui-jiân lâi tam-gōo
你我的青春
lí guá ê tshing-tshun
現在我也保留著
hiān-tsāi guá iā pó-liû tio̍h
伊的純情淚痕
i ê sûn-tsîng luī-hûn

北部春天
pak-pōo tshun-thinn
咱兩人踮海墘
lán nn̄g-lâng tiàm hái-kînn
看浮雲飄過去
khuànn phû-hûn phiau–kè-khì
提出來拭珠淚
the̍h tshut-lâi tshit tsu-luī
彼條花紅手巾
hit tiâu hue-âng tshiú-kun
彼日你我若決心
hit ji̍t lí guá nā kuat-sim
天國結情義
thian-kok kiat tsîng-gī
咱也永遠無分離
lán iā íng-uán bô hun-lî
快樂踮在天邊
khuài-lo̍k tiàm-tsāi thinn-pinn

樹跤冷清
tshiū-kha líng-tshing
風吹著我一人
hong tshe tio̍h guá tsi̍t-lâng
我今日猶原也
guá kim-ji̍t iu-guân iā
提出來拭珠淚
the̍h tshut-lâi tshit tsu-luī
彼條花紅手巾
hit tiâu hue-âng tshiú-kun
規身傾在我胸前
kui-sin khing tsāi guá hing-tsîng
心肝彈叮噹
sim-kuann tuânn tin-tang
離別彼暝的情景
lî-pia̍t hit mî ê tsîng-kíng
引我傷心苦痛
ín guá siong-sim khóo-thàng