一代公主

《一代公主》It-tāi Kong-tsú

施文彬Si Bûn-pin

——————————————

穿一領旗袍

tshīng tsi̍t-niá kî-phâu

開裾兩尺九

khui-ki nn̄g-tshioh káu

穿一雙懸搭

tshīng tsi̍t-siang kuân-tah

親像咧踏蹺

tshin-tshiūnn teh ta̍h-khiau

只要人客佮意

tsí-iàu lâng-kheh kah-ì

有啥通計較

ū siánn thang kè-kàu

伊講雙啊雙砲臺

i kóng siang–ah siang-phàu-tâi

欲買啊兩包薰

beh bé–ah nn̄g-pau hun

單刀赴會啊哩嘟

tan-to hù-huē–ah lih-toh

你輸你著啉啊

lí su lí tio̍h lim–ah

三請孔明啊哩嘟

sam tshiánn Khóng-bîng–ah lih-toh

我輸我著啉啦

guá su guá tio̍h lim–lah

胭脂點予紅紅

ian-tsi tiám hōo âng-âng

胸坎激落落

hing-khám kik làu-làu

膨粉抹予厚厚

phòng-hún buah hōo kāu-kāu

看起來較袂老

khuànn–khí-lâi khah buē lāu

只要人客需要啊

tsí-iàu lâng-kheh su-iàu–ah

有啥做袂到

ū siánn tsuè buē-kàu

伊講

i kóng

來來來喝完這杯再說吧

lái lái lái hē wán zhè bēi zài shuō pa

閃閃爍爍的燈光

siám-siám-sih-sih ê ting-kng

照著搖搖擺擺的男女

tsiàu tio̍h iô-iô-pái-pái ê lâm-lí

凊凊彩彩的跤步

tshìn-tshìn-tshái-tshái ê kha-pōo

踏咧坎坎坷坷的舞池

ta̍h leh khám-khám-khia̍t-khia̍t ê bú-tî

聲聲句句的Melody

siann-siann-kù-kù ê Melody

歌聲恩恩愛愛為趁錢

kua-siann un-un-ài-ài uī thàn-tsînn

茫茫渺渺的心情

bông-bông-biáu-biáu ê sim-tsîng

度過哩哩硞硞的暗暝

tōo-kuè lī-lī-khok-khok ê àm-mî

你這位先生咧等啥物

lí tsit uī sian-sinn teh tán siánn-mih

較緊來鼻粉味

khah-kín lâi phīnn hún-bī

只要是有錢

tsí-iàu sī ū-tsînn

你免懷疑啦

lí bián huâi-gî–lah

欲食欲配隨在你

beh tsia̍h beh phuè suî-tsāi–lí

心事放予恬恬

sim-sū pàng hōo tiām-tiām

目睭激微微

ba̍k-tsiu kik bui-bui

怨嘆囥佇一邊

uàn-thàn khǹg tī tsi̍t-pinn

笑容激皮皮

tshiò-iông kik phî-phî

何必閣再問伊

hô-pit koh-tsài mn̄g i

為何心稀微

uī-hô sim hi-bî

伊講

i kóng

鴟鴞咧展翼

ba̍h-hio̍h leh thián-si̍t

鳥仔例啄米

tsiáu-á leh tok-bí

我鴟鴞咧展翼

guá ba̍h-hio̍h leh thián-si̍t

鳥仔例啄米

tsiáu-á leh tok-bí