請問芳名

《請問芳名》Tshiánn-mn̄g Hong-miâ

施文彬Si Bûn-pin

——————————————

今夜冷風微微

kim-iā líng-hong bî-bî

引阮心內哀悲

ín gún sim-lāi ai-pi

自從佮你來分開

tsū-tsiông kah lí lâi hun-khui

無問著你的名字

bô mn̄g-tio̍h lí ê miâ-jī

心亂情斷袂離

sim luān tsîng tn̄g buē-lī

到何時會閣看著你

kàu hô-sî ē koh khuànn-tio̍h lí

訴出我滿腹心意

sòo-tshut guá muá-pak sim-ì

啊~心內聲聲咧叫你

ah~ sim-lāi siann-siann teh kiò lí

期待再相逢的時

kî-thāi tsài siong-hông ê sî

冷風又吹來

líng-hong iū tshue–lâi

加添阮心內悲哀

ka-thiam gún sim-lāi pi-ai

想欲問你佇佗位

siūnn-beh mn̄g lí tī tó-uī

曷毋知你的名字

a̍h m̄-tsai lí ê miâ-jī

踮他鄉的城市

tiàm thann-hiong ê siânn-tshī

到何時會閣看著你

kàu hô-sî ē koh khuànn-tio̍h lí

訴出我滿腹心意

sòo- tshut guá muá-pak sim-ì

啊~心內聲聲咧叫你

ah~ sim-lāi siann-siann teh kiò lí

期待再相逢的時

kî-thāi tsài siong-hông ê sî