環島旅行(中)
《環島旅行(中)》Khuân-tó Lí-hîng(Tiong)
施文彬Si Bûn-pin
——————————————
因為有一首歌
in-uī ū tsi̍t-siú kua
所以有你佮我
sóo-í ū lí kah guá
一場戀夢
tsi̍t-tiûnn luân-bāng
疼入心肝
thiànn ji̍p sim-kuann
兩个人真心袂變卦
nn̄g-ê lâng tsin-sim buē piàn-kuà
心情真快活
sim-tsîng tsin khuìnn-ua̍h
天邊海角
thinn-pinn hái-kak
攏欲做伴
lóng beh tsuè-phuānn
雙人對西門町
siang-lâng tuì Se-mn̂g-ting
沿路來去墾丁
iân-lōo lâi-khì Khún-ting
愛的跤步
ài ê kha-pōo
愈來愈近
jú lâi jú kīn
買一套仝款的衫來穿
bé tsi̍t-thò kāng-khuán ê sann lâi tshīng
笑容嘛愈來愈成
tshiò-iông mā jú lâi jú sîng
全台灣
tsuân Tâi-uân
迷人的風景
bê-lâng ê hong-kíng
踏過的路
ta̍h–kuè ê lōo
才是過程
tsiah-sī kuè-tîng
最鬧熱的城市
tsuè lāu-jia̍t ê siânn-tshī
最樸實的人情
tsuè phoh-si̍t ê jîn-tsîng
全部留著你我愛的證明
tsuân-pōo lâu tio̍h lí guá ài ê tsìng-bîng
Oh∼Sweet Darling
陪我環島滿四界
puê guá khuân-tó muá-sì-kè
享受人生
hiáng-siū jîn-sing
踮在月老的面前
tiàm-tsāi gua̍t-ló ê bīn-tsîng
我有認定
guá ū jīn-tīng
今生攏是你的愛人
kim-sing lóng-sī lí ê ài-jîn
Oh∼Sweet Darling
陪我向咱的土地
puê guá hiòng lán ê thóo-tē
海誓山盟
hái-sè san-bîng
因為有你心心相印
in-uī ū lí sim-sim siong-ìn
甜蜜的環島旅行
tinn-bi̍t ê khuân-tó lú-hîng
