環島旅行(北)

《環島旅行(北)》Khuân-tó Lí-hîng(Pak)
施文彬Si Bûn-pin
——————————————
因為有一片山
in-uī ū tsi̍t-phìnn suann
所以有一首歌
sóo-í ū tsi̍t-siú kua
愛你的心
ài lí ê sim
天大地大
thinn-tuā-tē-tuā
只要若有你來做伴
tsí-iàu nā ū lí lâi tsuè-phuānn
當天來咒誓
tng-thinn lâi tsiù-tsuā
海誓山盟
hái-sè san-bîng
攏袂變卦
lóng bē piàn-kuà

前面是大海邊
tsîng-bīn sī tuā-hái pinn
頂面有一片天
tíng-bīn ū tsi̍t-phìnn thinn
親像眠夢遐爾四序
tshin-tshiūnn bîn-bāng hiah-nī sù-sī
我想欲招你做陣來去
guá siūnn-beh tsio lí tsuè-tīn lâi-khì
請問你敢有願意
tshiánn-mn̄g lí kám ū guān-ì

全台灣迷人的景致
tsuân Tâi-uân bê-lâng ê kíng-tì
大概已經賰無幾年
tāi-khài í-king tshun bô kuí nî
最難忘的土地
tsuè lân-bōng ê thóo-tē
最懷念的海邊
tsuè huâi-liām ê hái-pinn
毋知何時
m̄-tsai hô-sî
攏會變成水泥
lóng ē piàn-sîng tsuí-nî

想欲?你緊來去
siūnn-beh tshuā lí kín lâi-khì
趁彼片美麗田園
thàn hit phián bí-lē tshân-hn̂g
猶未坉平
iáu-buē thūn-pînn
來去環島看天星
lâi-khì khuân-tó khuànn thinn-tshinn
等待月圓
tán-thāi gue̍h înn
將夢寫踮咱的記持
tsiong bāng siá tiàm lán ê kì-tî

喔~緊來去
ooh~ kín lâi-khì
趁彼片美麗海岸
thàn hit phiàn bí-lē hái-huānn
猶閣有魚
iáu-koh ū hî
想欲?你趕緊來去
siūnn-beh tshuā lí kuánn-kín lâi-khì
最後的環島假期
tsuè-āu ê khuân-tó ká-kî
—

想欲?你緊來去
siūnn-beh tshuā lí kín lâi-khì
趁彼片美麗田園
thàn hit phiàn bí-lē tshân-hn̂g
猶未坉平
iáu-buē thūn-pînn
來去將土地的味
lâi-khì tsiong thóo-tē ê bī
寫做歌詩
siá tsuè kua-si
留予以後咱的囝兒
lâu hōo í-āu lán ê kiánn-jî

喔~緊來去
ooh~ kín lâi-khì
趁彼片海岸
thàn hit phiàn hái-huānn
猶有最後一尾魚
iáu-ū tsuè-āu tsi̍t-bué hî
想欲?你趕緊來去
siūnn-beh tshuā lí kuánn-kín lâi-khì
最後的環島假期
tsuè-āu ê khuân-tó ká-kî