山娘仔的情歌

《山娘仔的情歌》Suann-niû-á ê Tsîng-kua
施文彬 Si Bûn-pin
———————————————
為你唱情歌
uī lí tshiùnn tsîng-kua
你是我的寶貝心肝
lí sī guá ê pó-puè sim-kuann
為你唱情歌
uī lí tshiùnn tsîng-kua
你是我的寶貝心肝
lí sī guá ê pó-puè sim-kuann
希望會佮你雙雙對對
hi-bāng ē kah lí siang-siang tuì-tuì
無論盤山過嶺
bô-lūn puânn-suann-kuè-niá
.
若有你陪伴
nā ū lí puê-phuānn
我的心就袂閣變卦
guá ê sim tiō buē-koh piàn-kuà
從今咱以後恩恩愛愛
tsiông-kim lán í-āu un-un-ài-ài
故事做陣來寫
kòo-sū tsuè-tīn lâi siá
.
對天咒誓
tuì thinn tsiù-tsuā
我講的全部攏有影
guá kóng–ê tsuâ-pōo lóng ū-iánn
對你的愛
tuì lí ê ài
我的親情嘛攏贊聲
guá ê tshin-tsiânn mā lóng tsàn-siann
.
請你做我的娘囝
tshiánn lí tsuè guá ê niû-kiánn
穿著你的新娘衫
tshīng-tio̍h lí ê sin-niû-sann
陪我轉來溫暖的岫
puê guá tńg-lâi un-luán ê siū
毋驚未來風雨偌大
m̄-kiann bī-lâi hong-hōo guā tuā
.
請你做我的娘囝
tshiánn lí tsuè guá ê niû-kiánn
每工做陣唱情歌
muí-kang tsué-tīn tshiùnn tsîng-kua
親朋戚友互相照顧
tshin-pîng tshik-iú hōo-siong tsiàu-kòo
平安過日快樂生活
pîng-an kuè-ji̍t khuài-lo̍k sing-ua̍h
.
.
請你做我的娘囝
tshiánn lí tsué guá ê niû-kiánn
毋管欲生幾个囝
m̄-kuán beh senn kuí ê kiánn
我一定會認真拍拚
guá it-tīng ē jīn-tsin phah-piànn
千秋萬世 永遠踮遮
tshian-tshiu bān-sè, íng-uán tiàm tsia