錢歹趁

《錢歹趁》 Tsînn Pháinn Thàn
咻比嘟嘩 (S.B.D.W.)
———————————–

錢歹趁 囝細漢
tsînn pháinn thàn, kiánn sè-hàn
某袂趁 家己嘛免怨歎
bóo buē thàn, ka-kī mā bián uàn-thàn

做人若欲佮人有比並
tsò-lâng nā beh kah lâng ū pí-phīng
就愛骨力仔做 閣儉儉仔用
tō ài kut-la̍t-á tsò, koh khiām-khiām-á īng

毋通趁五百 欲開一千
m̄-thang thàn gōo-pah, beh khai tsi̍t-tshing
一四界借錢 來討債用
tsi̍t-sì-kè tsioh-tsînn, lâi thó-tsè īng
認真借錢 閣貧惰還
jīn-tsin tsioh-tsînn, koh pîn-tuānn hîng
茫茫渺渺 過一生
bông-bông biáu-biáu kuè it-sing

勤儉才是本
khîn-khiām tsiah-sī pún
骨力趁錢才會賰
kut-la̍t thàn-tsînn tsiah-ē tshun
一人命一款
tsi̍t lâng miā tsi̍t khuán
看人好額莫想貪
khuànn lâng hó-gia̍h mài siūnn tham