戇人歌

《戇人歌》Gōng-lâng Kua
阿吉仔 A-kiat–á
——————————————
我戇戇看
guá gōng-gōng khuànn
世間的生活
sè-kan ê sing-ua̍h
浮華親像夢一般
hû-huâ tshin-tshiūnn bāng tsi̍t-puann
食虧免心疼
tsia̍h-khui bián sim thiànn
放予散散
pàng hōo suànn-suànn
計較遮濟無人贏
kè-kàu tsiah tsē bô-lâng iânn

我金金看
guá kim-kim-khuànn
人生好歹命
jîn-sing hó-pháinn miā
浮沉攏是一條歌
phû-tîm lóng-sī tsi̍t-tiâu kua
朋友情遮闊
pîng-iú tsîng tsiah khuah
陪伴鬥陣行
puê-phuānn tàu-tīn kiânn
啥人比我較大聲
siánn-lâng pí guá khah tuā-siann

目屎愛拭予焦
ba̍k-sái ài tshit hōo ta
戇人有人疼
gōng-lâng ū-lâng thiànn
天地猶原遮爾大
thinn-tē iu-guân tsiah-nī tuā
不如意準煞
put-jû-ì tsún suah
失去閣再拚
sit-khì koh-tsài piànn
一半按怎講輸贏
tsi̍t-puànn án-tsuánn kóng su-iânn

歡喜唱這條歌
huann-hí tshiùnn tsit tiâu kua
戇人有人疼
gōng-lâng ū-lâng thiànn
路途行來遮爾闊
lōo-tôo kiânn lâi tsiah-nī khuah
失志免怨命
sit-tsì bián uàn miā
是非家己看
sī-hui ka-tī khuànn
人生永遠袂孤單
jîn-sing íng-uán buē koo-tuann