袂食袂睏

《袂食袂睏》Buē-tsia̍h Buē-khùn

阿吉仔A-kiat–á

——————————————

風微微

hong bî-bî

來到了昔日的海邊

lâi-kàu liáu sik-ji̍t ê hái-pinn

手捀著

tshiú phâng tio̍h

溫暖燒燒的咖啡

un-luán sio-sio ê ka-pi

啊~無你在身邊

ah~ bô lí tsāi sin-pinn

日落黃昏閣較媠

ji̍t lo̍h hông-hun koh-khah suí

總是總是欠一味

tsóng-sī tsóng-sī khiàm tsi̍t-bī

日黃昏

ji̍t hông-hun

天色七彩又繽紛

thinn-sik tshit-tshái iū pin-hun

紅彩雲

âng tshái-hûn

圍繞著遠遠的山崙

uî-jiáu tio̍h hn̄g-hn̄g ê suann-lūn

阮想你到天光

gún siūnn lí kàu thinn kng

含著冰冷的喙脣

kâm tio̍h ping-líng ê tshuì-tûn

啊~因為懷念難忘彼時陣

ah~ in-uī huâi-liām lân-bōng hit-sî-tsūn

袂食袂睏

buē-tsia̍h buē-khùn

多情月光照窗門

to-tsîng gue̍h-kng tsiò thang-mn̂g

問阮怎樣

mn̄g gún tsuánn-iūnn

等啊等無伊轉

tán–ah tán bô i tńg

袂食袂睏

buē-tsia̍h buē-khùn

多情月光照眠床

to-tsîng gue̍h-kng tsiò bîn-tshn̂g

啊~思念思念

ah~ su-liām su-liām

夜夜來上門

iā-iā lâi tsiūnn-mn̂g