是誰無心肝

《是誰無心肝》Sī Siáng Bô Sim-kuann
阿吉仔A-kiat–á
——————————————
彈著我的吉他
tuânn tio̍h guá ê gì-tah
為人祝福
uī lâng tsiok-hok
唱著情歌
tshiùnn tio̍h tsîng-kua
幸福當時輪著我
hīng-hok tang-sî lûn tio̍h guá
感情無依無倚
kám-tsîng bô-i-bô-uá
身邊攏欠一个伴
sin-pinn lóng khiàm tsi̍t-ê phuānn
看山講毋是山
khuànn suann kóng m̄-sī suann

抱著這支吉他
phō tio̍h tsit ki gì-tah
對伊講出我的心情
tuì i kóng-tshut guá ê sim-tsiânn
日子當時會快活
ji̍t-tsí tang-sî ē khuìnn-ua̍h
思念無邊無岸
su-liām bô-pinn bô-huānn
海會焦石頭會爛
hái ē ta tsio̍h-thâu ē nuā
寂寞決心也袂放阮煞
tsi̍k-bo̍k kuat-sim iā bē pàng gún suah

是誰啊
sī siáng–ah
是誰遮無心肝
sī siáng tsiah bô-sim-kuann
情歌的故事
tsîng-kua ê kòo-sū
攏無我
lóng bô guá
只有甜甜一句咒誓
tsí-ū tinn-tinn tsi̍t-kù tsiù-tsuā

是誰啊
sī siáng–ah
是誰遮無心肝
sī siáng tsiah bô-sim-kuann
點播我毋敢唱的歌
tiám-pòo guá m̄-kánn tshiùnn ê kua
往事毋通閣提來問我
óng-sū m̄-thang koh the̍h-lâi mn̄g guá