無緣的鴛鴦
《無緣的鴛鴦》Bô-iân ê Uan-iunn
金美倫Kim Bí-lûn
——————————————
在淒冷無情的世間
tsāi tshe-líng bô-tsîng ê sè-kan
有啥物通好留戀
ū siánn-mih thang-hó liû-luân
真心真意變成空
tsin-sim tsin-ì piàn-sîng khang
愛情著切斷
ài-tsîng tio̍h tshiat-tuān
為怎樣無愛意的人
uī-tsánn-iūnn bô ài-ì ê lâng
愛佮伊相處永遠
ài kah i siong-tshú íng-uán
早前的純情義
tsá-tsîng ê sûn tsîng-gī
今日變成一場夢
kim-ji̍t piàn-sîng tsi̍t-tiûnn bāng
不時想著頭殼團團轉
put-sî siūnn tio̍h thâu-khak thuân-thuân tsuán
但願後世結圓滿
tān-guān āu-sè kiat-uân-buán
咱是相親相愛的伴侶
lán sī siong-tshin siong-ài ê phuānn-lī
為啥物愛拆分離
uī-siánn-mih ài thiah hun-lî
為著爸母來阻止
uī-tio̍h pē-bú lâi tsóo-tsí
講你已有妻兒
kóng lí í ū tshe-jî
真無疑心愛的人
tsin bô-gî sim-ài ê lâng
咱相見會遮爾遲
lán sann-kìnn ē tsiah-nī tî
而且阮毋願
jî-tshiánn gún m̄-guān
來做著不孝的女兒
lâi tsuè tio̍h put-hàu ê lú-jî
不得不來對你背情意
put-tik-put lâi tuì lí puē tsîng-ì
嫁予別人做妻兒
kè hōo pa̍t-lâng tsuè tshe-jî
雖然美夢已經是過去
sui-jiân bí-bāng í-king sī kuè-khì
為啥物偏偏想起
uī-siánn-mih phian-phian siūnn khí
山盟海誓的代誌
san-bîng hái-sè ê tāi-tsì
證明阮愛你
tsìng-bîng gún ài lí
想起著心愛的人
siūnn khí tio̍h sim-ài ê lâng
阮心內痛苦無比
gún sim-lāi thòng-khóo bô-pí
無法度佮你
bô-huat-tōo kah lí
來今生結成連理枝
lâi kim-sing kiat-sîng liân-lí-ki
但是猶原真心咧愛你
tān-sī iû-guân tsin-sim teh ài lí
願在天上結相隨
guān tsāi thian-siōng kiat-sio-suî